Pam fod Rhaglen Genedlaethol Datblygu Graddedigion yn bodoli?

Fel rhan o fentrau'r llywodraeth i wella gallu a moderneiddio'r sector, mae'r Asiantaeth Gwella a Datblygu wedi derbyn cyllid i greu, datblygu a rheoli rhaglen genedlaethol o ddatblygu graddedigion.

Mae angen i lywodraeth leol gael pobl o galibr uchel yn ei gwasanaeth ar lefel uwch. Ceir mwy nag erioed o gyfleodd a sialensiau i reolwyr uwch ac nid yw llywodraeth leol yn wahanol i weddill yr economi wrth weld yr angen i ddatblygu talent oddi mewn. Rhaid i ni recriwtio'n graddedigion yn ofalus fel bod ganddynt y priodoleddau i ddal ati drwy raglen anodd, rhaglen sy'n cynnig sialensiau gwirioneddol yn gynnar yn eu datblygiad.

Yr ydym eisiau darparu sylfaen o sgiliau, profiad a chyfle i dyfu'n bersonol drwy gyfres o leoliadau strwythuredig a digwyddiadau cenedlaethol i'n Hyfforddeion Rheoli Cenedlaethol. Drwy hynny gallant wneud cyfraniad go iawn i awdurdodau lleol drwy herio'r ddoethineb a'r arferion sy'n gyffredinol dderbyniol. Gallant wella'r sector drwy ddod yn asiantau grymus a dylanwadol ar gyfer newid. Mae'r rhain yn sialensiau caled a gallai effaith y graddedigion yr ydym yn eu recriwtio fod yn ddi–ben–draw.