Os oes gennych unrhyw gwestiynau eraill ynghylch eich cais, e–bostiwch nhw at email enquiry@ngdp.com, neu ffoniwch 0845 222 0250
C: Deallaf mai rhaglen ddatblygu ddwy flynedd yw hon, beth sy'n digwydd ar ddiwedd y ddwy flynedd?
A: Gobeithiwn y bydd eich gallu a'ch datblygiad yn sicrhau y bydd ar yr awdurdod lleol lle buoch yn gweithio'n cynnig gwaith i chi ar ddiwedd y rhaglen, ond gall hyn ddibynnu ar faint o swyddi gwag sydd ar gael yr adeg hynny. Byddem yn disgwyl ichi ddechrau meddwl am chwilio am swydd yn ystod yr ail flwyddyn ac i wneud hyn efallai y byddwch am ddefnyddio'r mentor allanol a benodir ichi yn ystod y rhaglen.
Q: Rwyn anabl, allaf i wneud cais?
A: Wrth gwrs. Os oes gennych unrhyw anghenion arbennig neu eich bod yn cael anhawster ymgeisio oherwydd anabledd, gallwn gymryd eich manylion a'u rhoi i un o aelodau'r tîm recriwtio graddedigion. Byddant yn gallu trafod eich anghenion yn fanylach ond gallwch fod yn sicr na fydd hyn yn effeithio ar eich cais mewn unrhyw fodd.
Q: Ydych chi'n talu costau adleoli?
A: Bydd hyn yn dibynnu ar y pecyn budd–daliadau a gynigir gan awdurdodau unigol - mae rhai'n gwneud ac eraill ddim.
Q: Sut gallaf i gael gwybodaeth am gyfleoedd gyrfa eraill i raddedigion?
A: Cewch hynny ar yr adran cysylltiadau defnyddiol.
Q: Beth sy'n digwydd os byddaf yn aflwyddiannus yn y cyfweliad neu'r ganolfan asesu?
A: Byddwn yn cynnig adborth ichi a byddwn hefyd yn rhoi cyfle ichi gofrestru eich manylion ar ddata–bas Cyfleoedd i Raddedigion mewn Llywodraeth Leol (Graduate Opportunities into Local Government – GOLD). Bydd hwn yn cael ei farchnata i bob awdurdod lleol yng Nghymru a Lloegr sy'n defnyddio peiriant chwilio i gael eich manylion ar gyfer unrhyw swyddi gwag addas a fyddai'n gymwys ar gyfer ymgeisydd graddedig.
Q: Ble byddaf yn gweithio?
A: Gyda dros 400 o awdurdodau ledled Cymru a Lloegr, byddwn yn disgwyl ichi fod yn hyblyg ynghylch lle y byddwch yn gweithio. Byddwn, fodd bynnag, yn rhoi ystyriaeth i unrhyw amgylchiadau arbennig, ble bynnag posibl.