Beth yw'r Rhaglen Genedlaethol Datblygu Graddedigion?

Mae´r adran hon yn rhoi gwybodaeth fanylach am wahanol elfennau Rhaglen Genedlaethol Datblygu Graddedigion, yn ychwanegol at wybodaeth am gymorth a chyflog a buddiannau.

Mae hefyd yn cynnwys nifer o astudiaethau achos gan Hyfforddeion Rheoli Cenedlaethol presennol er mwyn eich helpu i ddeall yr amrywiaeth a´r lefel gwelededd sydd yn natur y gwaith. Meddyliwch sut fyddech chi wedi ymateb yn yr un sefyllfa a dychmygwch y sgiliau a´r profiad y gallech eu hennill. Cofiwch mai rhagflas yn unig yw hyn. Bydd eich profiad chi yn hollol wahanol, ond bydd bob amser yn her.

Mae pedair prif ran i´r Rhaglen:

• Lleoliadau craidd gydag awdurdod lleol "meithrin"
• Astudio ar gyfer Diploma Ôl–raddedig mewn Rheolaeth Llywodraeth Leol
• Hyfforddiant cenedlaethol
• Mentora allanol

Cefnogir y cydrannau hyn gan amrywiaeth o declynnau a mentrau a luniwyd i hybu cyfathrebu a rhannu gwybodaeth gan sicrhau y rhoddir pob cyfle i chi wneud y gorau o´ch potensial. Y nod strategol yw y bydd yr holl elfennau hyn yn cyfuno gan roi i chi sgiliau, profiadau a phriodoleddau sy´n grwn ac ar sylfaen eang.